Соңғы жылдары әлеуметтік желіде орынсыз әрекет жасаушылар көбейіп кетті, кейде мұндай қадамға ересектер ғана емес, балалар да барады. Қазір белең алған үрдістің бірі — машина дөңгелегінің қақпағын ұрлап, видеоға түсіру.
Желіде Ресей мен Украинада түсірілген видеолар көптеп кездеседі, жуырда қазақстандық нұсқалары да шыға бастады. Көлігін аулада немесе жол шетінде қалдырған жүргізушілер шағымданып жатыр. Ұрылардың кейбірі бейнебақылау камерасына түсіп қалған.
Олар аталған бөлшектің кез келгенін емес, ерекше көрінетінін таңдайды. Сондықтан тюнинг жасауға әуес көлік иелерінің сақ болғаны жөн.
Полиция мәселеге назар аударып, жүргізушілердің шағымы бойынша тексеру жүргізіп жатыр. Алматы қалалық ПД ата-аналарға үндеу жолдап, мұның ұрлық екенін және қылмыстық жауапкершілікке тартылатынын балаларға түсіндіруді сұрады.
Комментариев: 0