Жуырда Нұрсұлтан Назарбаев 2018 жылдың 30 шілдесінен бастап, нәтижесінде адамдардың денсаулығына орташа ауырлықтағы зиян келтірілген ЖКО (ҚР ҚК-нің 345 бабы) үшін белгілi бiр лауазымдарды атқару немесе белгiлi бiр қызметпен айналысу құқығынан екі жылға дейiнгi мерзiмге айыра отырып, кінәлілерге 160 АЕК (қазір бұл 300 АЕК) көлемінде айыппұл салынатын, не сол мөлшерде түзеу жұмыстарына не жүз алпыс (әзірше 240) сағатқа дейінгі мерзімге қоғамдық жұмыстарға тартуға не 40 (қазір 75) тәулікке дейінгі мерзімге қамаққа алуға жаза тағайындалатын заңға* қол қойды.
Ал адам денсаулығына ауыр зиян келтіргені үшін берілетін жаза бұрынғыдай қалды — екі мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына тарту және т.б. Алайда аталған баптың осы бөлігіне жазаның тағы бір жаңа түрі — 600 сағат мерзімге дейін түзеу жұмыстарына тартуды қосқан.
Бір қызығы — Қылмыстық кодексті жүргізуші куәлігінен айырылған, бірақ сонда да рөлге отырған ішімдікке үйір жандар мен нашақорларға, сонымен қатар оларға автокөлікті тізгіндеуге сенім білдірген (лауазымды тұлғалар немесе көлік құралдарының иелері) адамдарға қатысты ізгілендірген — 30 шілдеден бастап олар белгілi бiр лауазымдарды атқару немесе белгiлi бiр қызметпен айналысу құқығынан үш жыл мерзімге айыра отырып, 200 АЕК-ке дейін (қазір 500 АЕК-ке дейін) айыппұл салу, немесе сол мөлшерде түзеу жұмыстарына тарту, немесе екі жүз (қазір 300 сағатқа дейін) сағатқа дейінгі мерзімге қоғамдық жұмыстарға тартуға не елу (қазір 90) тәулікке дейінгі мерзімге қамаққа алу арқылы жазаланады.
Көлік құралдарын басқару құқығынан айырылған мас жүргізушілердің адам денсаулығына ауырлығы орташа зиян келтiруге әкеп соққан ЖКО-сын жасағаны үшін мыңдап салынатын айыппұлға балама ретінде 1200 сағатқа дейінгі қоғамдық жұмыстарға тартылуы мүмкін.
Адам өліміне әкеп соққан жол апаты үшін жоғарыда аталған екі жағдайда да берілетін жаза — 10 жылға дейінгі бас бостандығынан айыру өзгеріссіз қалады.
Қылмыскерлер үшін тағы бір жаңалық — жоғарыда аталған ереже бұзуларға салынған айыппұлдарды бөліп төлеуге болады. ҚР ҚК-нің жаңа басылымында былай жазылған:
«Сотталған адамның мүліктік жағдайы уақытша нашарлауы не жалақысының төленбеуі, уақытша еңбекке жарамсыздық, жұмысын немесе кірісін жоғалту жағдайында, сот айыппұл төлеуді бір айдан бір жылға дейінгі мерзімге кейінге қалдыра алады. Кейінге қалдыру уақыты сот үкімімен бекітілген айыппұлды төлеуді есептеу мерзіміне кірмейді».
Бұл баптың жол қозғалысы ережелерін бұзғаны үшін ҚР ӘҚБК-не сай салынатын айыппұлдарға қатысы жоқ.
Осы мезетте прокурорлар жүргізуші куәлігінен айырылған тұлғалар және масаң күйдегі драйверлер үшін әкімшілік жауапкершілікті қатаңдату туралы заңға түзетулер енгізуді ұсынуда, сонымен қатар, ең болмағанда бір зардап шегуші болған жағдайда, ішімдік ішкен жүргізуші жасаған жол-көлік апаты үшін қылмыстық жауапкершілікке тартуды ұсынуда.
* «Қазақстан Республикасының кейбір заңнамалық актілеріне қылмыстық және қылмыстық-процестік заңнамаларды жетілдіру мәселелері бойынша өзгерістер мен толықтырулар енгізу туралы» заң.
Комментариев: 0