Шілдеде Lada XRAY-дің ғұмыры аяқталуға жақын деген сыбыс тараған. Сол кезде ресми сатушылар модельді тестке қатысатын көліктер тізімінен алып тастауды талап ететін хат алды. Енді концерн одан мүлде бас тартқанын ТАСС басылымына сұхбат берген Максим Соколов растады. Кроссоверге ұқсайтын хетч қашан конвейерге қайта тұратынын сұраған тілшіге компания басшысы:
— Қысқаша айтсам, ешқашан. Біз оны қайта өндіруді жоспарлап отырған жоқпыз, себебі автокөлікті жасағанда қолданатын компоненттердің көбін қазір елге жеткізу мүмкін емес, — деді.
Еске салайық, Lada XRAY 2016 жылы алғаш Тольяттидегі зауыттан шықты. Екі жыл өткен соң топтама жолсыз жерде еркін жүретін XRAY Cross-пен толыққан. Ресей мен Украина арасында соғыс басталғанда АВТОВАЗ санкцияға ұшырап, көлік өндірісін тоқтатуға мәжбүр болды.
Комментариев: 0