Биыл ақпанның аяғында Оңтүстік Корея Ресейге экспорттауға тыйым салынған тауарлар тізімін көбейтті. Оған қозғалтқыш көлемі 2 литрден асатын жаңа және ескі автомобильдер енген.
Елдің Сауда, индустрия және энергетика министрлігі экспортқа шығатын заттарды қатаң бақылайтынын мәлімдеді. Енді санкциядан жалтаруға жол іздегендерді кеденшілерден бөлек Сыртқы істер министрлігі мен барлау қызметі (NIS) қадағалайды.
«Инчхон Тудей» басылымы кеден қызметіне сілтеме жасап хабарлағандай, биыл қаңтарда Оңтүстік Кореяның Инчхон порты арқылы Қырғызстанға 50 905, Қазақстанға 13 347 ескі автомобиль өткен. Басылым бұл көліктердің басым бөлігі Ресейге баруы мүмкін деп болжап отыр, өйткені 2021 жылы Қазақстан мен Қырғызстан небәрі 4 мың ескі машина алған.
Комментариев: 0