Кроссоверге ұқсас Lada XRAY-дың дәурені аяқталуға жақын сияқты. Drom.ru таратқан ақпаратқа сенсек, марка дилерлері одан бас тартуды растайтын хат алыпты.
Құжатта автосалондарға көлік өндірісі тоқтауына байланысты модельді тест-драйвқа арналған автомобильдер тізімінен алып тастау қажет екені жазылған.
— XRAY өндірісі тоқтауына байланысты Lada дилерлік орталықтары мен оның бөлімшелерінде және сауда орындарында тест-драйв өткізу үшін тұрған автокөліктердің нормативтік саны өзгерді, — деп жазылған хатта.
Өндіруші дилерлерге қалған көлікті сатуға немесе уақытша машина ретінде қолдануға кеңес берді.
Теріскейдегі көрші XRAY-ден бас тартқан соң ол біздің елдегі Lada топтамасынан да алынады. Марканың Қазақстандағы ресми сайтында ең арзаны қазір 7.2 млн теңгеден саудаланып жатыр.
Lada XRAY моделінің тарихы 2016 жылы басталған. Екі жыл өткен соң топтама кез келген жолда анағұрлым еркін қозғалатын XRAY Cross-пен толықты. Негізі Тольяттидегі зауыт хетч құрастыруды бірнеше ай бұрын тоқтатқан. Бұған Украинамен арадағы соғыс салдарынан көптеп санкция салынуы себеп болды.
Комментариев: 0