«Иннопром-2021» көрмесінде АВТОВАЗ басшысы Николас Море Тольяттиде автомобильдер жаңа платформада шығарылатынын айтты.
Топ-менеджердің айтуынша, ІЖҚ бар көліктер ғана емес, гибрид және электрлі автокөлік жасау жоспарланған. Бірақ жуырда электрлі Lada жарыққа шықпайтыны айдан анық. Өйткені жаңа платформаға 2027-2028 жылдан бұрын ауысу мүмкін емес.
АВТОВАЗ бұған дейін де электрлі көлік шығаруға тырысып көрген. 1975 жылы ВАЗ-2102 электромобильге айналды. 2801 индексімен жарық көрген модельдің жүріс қоры 110 шақырым болған. 1980 жылдардың басында ондаған данасы шығарылып, КСРО көлемінде сатылды. Ал 2011 жылы «Калина» универсалына электромотор орнатылып, Ellada деп аталды. Көліктің қуаты 83 ат күші, ал жүріс қоры 150 шақырым болды. Бұл модельдің 100 данасы жасалды.
Комментариев: 0