АВТОВАЗ бен Renault-ның арасы ажырамастай көрінген шақта Lada Vesta-ның болашағы бұлыңғыр тартқан еді, жоспар бойынша француз платформасына өткен модель 2025 жылы конвейерден түсуге тиіс болатын. Енді Еуропа теріс айналған соң, ресейліктер ең жаңа моделін шығарып қана қоймай, соның негізінде көлік құрастыруға кірісті.
«Ростех» корпорациясының басшысы Сергей Чемезов алдағы 2-3 жылда Тольяттидегі зауыт жаңа топтамадағы Lada машиналарын шығара бастайтынын хабарлады. «АВТОВАЗ қазір Lada Vesta платформасында жасалатын тың жоба әзірлеп жатыр. Бұл платформа кроссовер жасауға өте ыңғайлы. Ол 2025 жылы конвейерге тұрады. Ал 2024 жылы шағын машиналардан құралған жаңа топтама шығады. Сол жылы жаңа модель күтеміз. Lada Vesta-ға ұқсайтын көлікті седан, универсал және Cross нұсқадағы универсал шанағында ұсынамыз, — деді «Ведомостиге» сұхбат берген Чемезов.
«Вестаға» негізделген автомобиль дизайнын жарияланған рендерге қарап шамалауға болады
«Вестаға» негізделген автомобиль дизайнын жарияланған рендерге қарап шамалауға болады
Әзірше Тольяттидегі зауыт мамандары автомобильдің тестілік нұсқасын құрастырып, тексеріп жатыр.
Комментариев: 0