Нұр-Сұлтан қалалық ПД баспасөз қызметінің Kolesa.kz тілшісіне хабарлауынша, компания ескі көліктерді сатумен айналысады. Hyundai Accent автосалонға сатуға қойылған.
Катализаторды үш азамат (22, 24 және 26 жаста. Олардың екеуі ағайынды) кешке, барлық қызметкер үйлеріне кеткен соң ұрлапты. Компания менеджері бейтараптандырғыш жоғалғанын бір аптадан кейін білген. Полиция күдіктілерді ұстады.
Жедел уәкілдің айтуынша, күдіктілер қылмысты мойындап, ұрланған катализатордың сатылып кеткенін айтты. Полиция олардың елордадағы осындай қылмыстарға қатысы бар-жоғын тексеріп жатыр. Адамдар тобымен алдын ала сөз байласу арқылы ұрлық жасағандар Қылмыстық көдекстің 188-бабы бойынша жазаланады: мүлкі тәркіленіп, 3000 АЕК-ке дейін айыппұл салынады немесе сол мөлшерде түзеу жұмыстары не 1200 сағатқа дейінгі қоғамдық жұмыстарға тартылады немесе 5 жылға дейін бас бостандығы шектеледі не сол мерзімге бостандығынан айырылады.
Биыл наурыз айының басында астанада кроссовер катализаторын ұрлаумен айналысқан қылмыстық топ анықталды. Автомобильден катализдік бейтараптандырғыш ұрлау бүкіл әлемге жалпыласқан қылмыс. Ұрыларды аталған бөлшек құрамындағы сирек кездесетін қымбат металдар қызықтырады.
Комментариев: 0