Каталитикалық нейтрализатор ішіндегі бағалы металдар оны кем дегенде 1000 долларға сатуға мүмкіндік береді. Сондықтан барлық елде бөлшекті көздеген қылмыскер аз емес. Әлемде еш автомобиль ұры-қарыдан қорғалмаған, бірақ олардың полиция мінген көлікті нысанаға алуы бұрын соңды болмаған жағдай.
MissionLocal есебі бойынша SFPD (Сан-Франциско полиция департаменті) деген жазуы бар төрт машинаның катализаторын әккі қулар Арнайы операциялар бюросының тұрағында тұрған жерінен алып кетіпті. Бейнебақылау камерасы да қылмыскерлердің меселіне тосқауыл болмады.
Ақпарат агенттігінің өкілімен сөйлескен полицей ұрыларды ұстау мүмкін емес екенін айтыпты. Полиция қызметкерлерінің жеке көлігінен де бірнеше рет катализатор ұрланған.
Тәртіп сақшыларының өзі дәрменсіз күйге түссе, қарапайым халық туралы не айтуға болады. Бұл мәселені автоөндірушілер ғана шеше алатыны анық. Катализатор ұрлауды барынша қиындату үшін газ шығару жүйесінің құрылымын өзгерту туралы ұсыныс талай айтылды. Қазір бөлшек бір-екі құралдың көмегімен оп-оңай шешіледі.
Комментариев: 0