Әлеуметтік желіде автобус салонына орнатылған шағын камера жайлы видео тарады. Жазба авторы бұл құрылғы автобус жолағына шыққан жүргізушілерді тіркейді деді.
Алматы әкімдігі Kolesa.kz редакциясына ол желіде бұрыннан тарап жүрген ескі ролик екенін айтты.
«Бұл ескі видео. Бұрын жол полициясының пилоттық жобасы аясында автобусқа видеофиксация уақытша орнатылған. Сынақ аяқталған соң техниканы алып тастадық. Қазір автобустарда мұндай жабдық жоқ», — дейді шенділер.
Әкімдік оның нақты қандай жоба екенін айтпады, дегенмен 7 жыл бұрын мегаполисте сынақтан өткен «Жолақ» жобасы болса керек. Бірақ ол жоба толыққанды іске қосылмаған. 2018–2019 жылдары қоғамдық көлікке орнатылған камера біз сөз етіп отырған видеодағы техникаға ұқсамайтын. Соған қарағанда видео әкімдік пен полицияның тағы бір сәтсіз эксперименті кезінде түсірілген сияқты.
Редакцияға Sergek Group компаниясы бұл камера оларға тиесілі емес екенін хабарлады.
2024 жылы желтоқсанда билік жедел жәрдем көліктерін Sergek Patrol мобильді кешенімен жабдықтаған.
Комментариев: 0