Полиция 2024 жылы желтоқсанда медициналық көліктерге сынақ ретінде Sergek Patrol мобильді жүйесін орнатқан. Кешен жасанды интеллект (AI), жақсы камера және ереже бұзғандарды автоматты тіркейтін радармен жабдықталған. Ол кез келген ауа райында, қараңғыда, тіпті байланыс жоқ жерде жұмыс істей береді.
Камера нақты уақыт режимінде аялдау, тоқтау ережесін бұзғандарды, жол белгісі мен жол таңбасын елемегендерді және жылдамдық асырғандарды анықтайды.
Sergek Group өкілдері жабдықты орнатуға біршама уақыт кеткенін айтты, биыл ақпанда жүйе талдау режимінде жұмыс істей бастапты. Қазірше айыппұл жазбайды. Полиция деректерді проблемалық аймақты анықтап, жол қауіпсіздігін жақсарту үшін ғана пайдаланады. Құрылғы бір айда 8 мыңнан аса жол ережесін бұзу фактісін жазып алған.
Атырау облысы мен Астана жолдарында да жасырын патруль жүйесі жұмыс істеп тұр. Бірақ ол өңірлер жедел жәрдем көлігіндегі камералардың жұмыс нәтижесін әлі жариялаған жоқ.
Комментариев: 0