Апат кеше таңертең Шымкенттегі Назарбаев даңғылының Бәйтереков көшесімен қиылысқан тұсында болды.
«Автобус жүргізушісі бағдаршамның қызыл түсіне өтіп кетіп, Toyota Camry-ге соғылды да, артынша аударылды. ЖКО-ның нәтижесінде бір адам оқиға орнында қаза болды. Жеңіл көліктің жүргізушісі мен автобустың екі жолаушысы түрлі жарақатпен ауруханаға жеткізілді», — деп жергілікті полиция департаментінің баспасөз қызметі мәлімдеді.
Бізге белгілі мәліметтерге сәйкес, жол апатынан автобус жүргізушісінің кондуктор болып жұмыс істейтін әйелі көз жұмған. Түрлі жарақат алған бес адам ауруханаға жіберілді. Ал апаттан зардап шеккендердің жалпы саны он үш. Аталған дерек бойынша ҚР ҚК-нің 345-бабының 3-бөлігімен (Жүргізушінің абайсызда адам өліміне әкеп соққан іс-әрекеті) сотқа дейінгі тергеу жұмыстары басталды және тиісті сараптама тағайындалды.
Комментариев: 0