Биыл 1 шілдеден бастап шетелдік интернет-дүкендегі сауда, соның ішінде көліктің қосалқы бөлшегі мен керек-жарағы бөлек санатқа кіріп, Қазақстан мен Еуразиялық экономикалық одақ (ЕАЭО) аумағында кедендік бажды есептеудің жаңа әдісі қолданысқа енуге тиіс еді.
Мемлекеттік кірістер комитеті бұл ереже әлі күшіне енген жоқ деді. ЕАЭО-ға мүше елдердің бірі Одақтың Кеден кодексіне енген өзгерісті бекіту үшін қажет ішкі рәсімді аяқтамаған. Бұл процесс қашан бітетіні белгісіз. Шенеуніктер нақты күнді кейін жариялайды.
Демек жаңа талаптағы жалпы тауар бағасының 5 %-ына тең кедендік баж салығы мен 16 % қосымша құн салығы сұралмайды. Халық 200 еуродан асатын тапсырысты (шетелден келген) бұрынғыдай рәсімдейді, яғни артық соманың 15 %-ын ғана төлейді. 31 кг салмақ шегі қалады.
Комментариев: 0