Audi жаңа Q3-ті таныстырды

Компания Q3-тің келесі буынын көрсетті. Модель үлкен Q5 тәрізді жаңа дизайн, толық жаңарған интерьер алды. Гибрид күштік құрылымы мен іштен жанатын қозғалтқыштары да бар. Биыл жаздың аяғына дейін тапсырыс қабылдау басталады, бастапқы бағасы — 44.6 мың еуро (26.5 млн теңгеге жуық).

1 / 13

• 
• 
• 
• 
• 
• 
• 
• 
• 
• 
• 
• 
• 

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

Audi Q3 TDI quattro S line

1 / 13

Audi Q3 айтарлықтай үлкейгенімен, компания өлшемдері туралы ақпараттың ішінен тек жүксалғыш көлемі 488-1386 литр екенін айтты. Сырт келбеті қазіргі дизайн стиліне сай келеді. Бүйірінен қарағанда бұл автомобиль ірі Q5 тәрізді, бірақ жаңа Q3-тің жарық техникасы көп деңгейлі.

Q3-те алғаш рет micro-LED технологиясы пайда болды. Фаралар 25 600 жарықдиодтан тұратын блоктан құралған, әр диодтың қалыңдығы адам шашының жартысындай. Матрицалы оптикасы жүргізушіге арналған ескерту пиктограммаларын жолға түсіре алады. Жүріс шамы 23 сегменттен, артқы шамы 36 сегменттен тұрады.

1 / 5

• 
• 
• 
• 
• 

1 / 5

Салон базалық модельдерге тән қағидамен жасалған, бірақ Q5-тегідей жолаушыға арналған үшінші дисплей туралы ақпарат жоқ. Стандарт мультимедиа 11.9 дюймдік аспаптар панелінен және 12.8 дюймдік ортаңғы сенсорлы экраннан тұрады. Дыбысы бапталатын Sonos акустикасын қоюға болады.

Ортаңғы тоннельдегі селектор рөл жаққа ауысып, бұл бөлік толығымен өзгерді. Бұрылыс сигналы, әйнек тазалағыш және жарық батырмалары ірі басқару панеліне бірігіп, сол жаққа жайғасты. Рөл енді қырлы пішінді. Алдыңғы бүйірлік әйнектері акустикалы, сондықтан салон ішіндегі шу деңгейі төмендеген.

Базалық қозғалтқыш — 150 ат күші бар 1.5 литрлік турбомотор, жарты цилиндрді өшіру мүмкіндігі бар жұмсақ гибрид. Ол 7 сатылы роботпен жұмыс істейді. Толық жетек тек 2 литрлік бензинді моторы бар машинаға орнатылған, оның қуаты 265 ат күшіне (400 Нм) тең. 150 ат күшін және 360 Нм момент беретін дизельді нұсқа да бар.

1 / 5

• 
• 
• 
• 
• 

Audi Q3 e-hybrid quattro S line

Audi Q3 e-hybrid quattro S line

Audi Q3 e-hybrid quattro S line

Audi Q3 e-hybrid quattro S line

Audi Q3 e-hybrid quattro S line

1 / 5

Мотор гаммасындағы ең қуаттысы — 1.5 литрлік бензинді моторға негізделген гибрид. Онда қарапайым көліктегідей толық жетек жоқ, бірақ 272 ат күшін (400 Нм) береді. Роботтың орнын 6 сатылы автомат басты. Көлік электр қуатымен 119 шақырым еңсере алады, 25.7 киловатт батареяны 10-нан 80 %-ға дейін қуаттауға жарты сағат жұмсайды.

Компания модельді стандарт, спорт және екі клапанды бейімді амортизаторы бар үш түрлі аспамен ұсынады. Соңғысы спорттық және жайлы режимдер арасындағы айырмашылықты айқын сезінуге мүмкіндік береді. Қосымша ақы төлеп, озық рөл басқару жүйесін орнатуға болады.

Q3 — жаңа буын топтамасындағы алғашқы модель. Болашақта бренд Q3 Sportback кросс-купесін, қуатты SQ3 және RS Q3 модификацияларын ұсынуы ықтимал, бірақ бұл әзірге ресми түрде расталмады.