Audi TT-дің ізбасары шықпайды

Audi TT ізбасарын сериялық өндіріске шығару жобасы тоқтайтын сияқты. Оған былтыр қыркүйекте жарық көрген Concept C прототипі негіз болуы керек еді. Бірақ Audi спорткарымен бір платформаны бөлісетін электрлі Porsche 718-ді әзірлеген кезде қиындық туды.

Жаңа Porsche басшысы Михаэль Ляйтерс автоөндірушінің табысы азайғандықтан өндіріс жоспарын қайта қарауға кірісті, нәтижесінде аккумулятормен жүретін 718 модельдерінің (Boxster мен Cayman) өндірісі кейінге қалды.

Топтаманы жасауға тым көп ақша кеткен, батарея жеткізетін Швециядағы Northvolt компаниясы банкрот болды, ал Қытайда Porsche электромобильдеріне сұраныс жоғары емес.

Handelsblatt басылымы хабарлағандай, компания кінәлілерді іздеп жатыр. Қызметкерлер бұған бұрынғы басшы Оливер Блюменің (кейін Volkswagen концернінің бас директоры болып тағайындалған) өз компаниясында жиналып қалған мәселелерге ұзақ уақыт бойы назар аудармауы себеп болды деп санайды.

Porsche топтаманы электрлі жетекке көшіруден бас тартса, Audi шассиді өз бетінше дайындап, бөлшек жеткізушілер іздейді. Бұған қосымша уақыт пен қаражат қажет.