Audi R8 алғысы келетіндер көбейді

Наурыздан кейін Audi R8 сатылмайды деген ақпарат модельге сұранысты арттырды. 2024 жылдың бірінші тоқсанында спорткардың 181 данасы өтті, бұл былтырғы сәйкес кезеңдегі көрсеткіштен 87 % көп.

Демек Audi R8 14 жылға созылған карьерасын аса сәтті аяқтап отыр. Осы аралықта модель екі рет рет буын алмастырып, купе ретінде және спайдер ретінде жарық көрді. Бірақ техникалық жағы өзгерген жоқ, опция ретінде толық жетегі бар, моторы ортада орналасқан құрылымын сақтады. R8-дің алғашқы нұсқасы V8 немесе V10 моторымен жүретін, ал қазіргі екінші буыны 10 цилиндрлі қозғалтқышпен ғана жабдықталған.

Audi R8-дің бағасы әртүрлі. Мысалы, Kolesa.kz-те модельдің ескілері 18 млн теңгеге табылады. Ал жаңа нұсқасына 111 млн теңге төлеп, алдын ала тапсырыс беруге болады.

R8-дің ресми ізбасары жоқ.