Audi әлеуметтік желіде ерекше промокампания жариялады. Оның көмегімен марка жанкүйерлері R8-ді тарих қойнауына алады. Дауыс беру арқылы бренд жанашырлары арнайы R8 спорткарының бейнеролигін қандай сценарий бойынша түсіретінін анықтайды.
Мысалы, оқиға болатын жерді (табиғат аясы, қала көшелері, жарыс жолы немесе шөл дала) дауыс беру арқылы таңдауға болады. Сонымен қатар түсірілім уақытын да (күн шығатын уақыт, күн бататын уақыт немесе түн) жанкүйерлер белгілейді. Дауыс беру 15 қыркүйекте тоқтайды.
Марка жаңа фильмді Audi R8: The Last Lap — «R8-дің соңғы айналымы» деп атады. Компания 2006 жылы шыққан, алғашқыда Lamborghini Gallardo-мен, ал буын ауыстырғанда Huracan-мен платформалас болған орта моторлы суперкарды өндірістен толық алып тастайды. Купенің соңғы модификациясы шығады, бірақ оның стандарт машиналардан қандай айырмашылығы болатыны белгісіз.
Көліктің ізбасары бола ма, жоқ па, ол да әзірге құпия. Біршама уақыт бұрын Audi электрлі спорттық модель шығаруға ниетті екенін хабарлағанмен, бұны нақтыламаған еді. Десе де марка жақында өндірістен алып тастайтын Lamborghini Huracan-ның орнына жаңа машина жасайтын сияқты. Италиялық брендтің жаңа суперкар Revuelto флагманы сияқты гибрид күштік құрылыммен жабдықталады.
Комментариев: 0