Audi Q6 e-tron-ның алдыңғы панелінде үш экран болады

Жолаушыға арналған бөлек дисплей орнату автоөндірушілер арасында трендке айналды. Бірқатар қытайлық бренд пен Mercedes-Benz, Porsche сияқты еуропалық маркалар да осындай қадамға барған. Енді олардың қатарына Audi қосылды. Компания Q6 e-tron электромобилінің интерьерін көрсетті. Бұл модельдің дизайны қандай болатыны биыл шілдеде белгілі болған.

Суреттен кроссовердің алдыңғы панелінде үш OLED-дисплей тұрғанын көруге болады. 11.9 және 14.5 дюймдік алғашқы екі экран ойыс блокқа біріккен. Ал 10.9 дюймдік үшінші дисплей бөлек, жолаушы алдында тұр. Сондай-ақ машинада навигация деректерін көрсететін проекциялық экран бар. Жолаушы алдындағы тачскриндегі мәлімет жүргізушіге көрінбейді.

1 / 7

• 
• 
• 
• 
• 
• 
• 

1 / 7

Бонус ретінде медиажүйе дыбыс көмекшісімен жабдықталған, ол орындықты жылыту немесе климат-бақылау параметрін өзгерту сияқты жүргізушінің кей әдетін есте сақтап, оның келесі әрекетін болжай алады.

Компания Q6 e-tron-ның техникалық жағы туралы ақпарат берген жоқ. Бірақ ол Porsche-мен бірге әзірлеген жаңа PPE (Premium Platform Electric) платформасына негізделген алғашқы Audi моделі болады. Марка машинаны 800 вольтты батареямен жабдықтайды, күштік құрылымы 470-650 ат күшін береді деген болжам бар. Модельдің сериялы нұсқасы 2024 жылы жарық көреді.