Мәскеуде өткен «Такси» форумында «Атомның» сауда жөніндегі директоры Максим Бардин машинаның бағасын тұспалдап айтты. Электрокардың құны мемлекет ұсынатын қосымша субсидияны қоспағанда 3-4 млн рубль (~20—27 млн теңге) шамасында болады деп жазды РИА Новости. Яғни, депозит салып, дауыс беріп үлгерген клиенттер ойлағаннан жарты миллион жоғары.
Суық климатта сынақтан өтіп жатқан «Атом»
Әу баста арзан «Атом» атануы керек болған бір-ақ моторы (204 а.к.; 295 Нм) бар электрокар баға жағынан анағұрлым ірі Zeekr X-пен деңгейлес. 3.5 млн рубль тұратын Zeekr X премиум модель екенін айта кеткен жөн. Бір моторлы нұсқасы 272 ат күші мен 543 Нм момент берсе, екі қозғалтқышты көліктің бойында 468 арғымақтың күші бар.
«Атом» бизнес-жобасының дамуына мемлекет мүдделі, сондықтан оны биыл «Москвич» зауыты құрастыра бастайды, жаңа модель жақсы өту үшін билік барынша күш жұмсайтыны анық. Субсидиямен шектелмей, шенді-шекпендінің бәрін осы іске тартуы мүмкін.
Комментариев: 0