Көлік иелеріне қызмет көрсететін жаңа орталық «Нұрлы жол» вокзалының аумағында, А-82 көшесінде орналасқан.
«Азаматтарға арналған үкімет» МК басқарма басшысының орынбасары Әсемгүл Балташеваның айтуынша, елордадағы орталықтан күніне екі мыңға жуық адам қызмет алатын. Сатып алушылар әдетте сатушылармен бірге келіп, көлікті қайта тіркейді. Пандемия кезінде бұл қауіпсіз емес, сондықтан мемлекеттік мекеме тағы бір ХҚКО ашу жөнінде шешім қабылдады.
Жаңа орталық қала ішінде, сол жағалауға жақын маңда тұр. Бұл қала тұрғындарының уақыт үнемдеуіне мүмкіндік береді. ХҚКО алдында аумағы 70 мың шаршы метр тұрақ бар. Мұнда автодром жоқ, сол себепті тек көлікті қайта есепке қойып, жүргізуші куәлігін ауыстыра аласыз.
Анықтама ретінде: жыл басынан бері астаналық мамандандырылған ХҚКО-да 144 мың көлік қайта тіркеліп, 42 мың азамат жүргізуші куәлігін алды.
Комментариев: 0