Астана әкімдігінің алдында елордалық билік өкілдерінің көлік реформасының соңғы қорытындылары көзге түсті. Қызмет көліктеріне арналған бұрынғы тұраққа 5.14 «Жеңіл таксилерге арналған тұрақ» белгісі орнатылып, асфальтқа сары түсті жолақтар сызылыпты.
Такси жүргізушілерге арналған орындардың жалпы саны он: бесеуі — негізгі есіктің сол жағында, бесеуі — оң жағында орналасқан. Күндіз бұл жерден Astana Taxi түсіндегі бір ғана көлікті кездестіру мүмкін болды, ал қалған аумақ бос тұрды.
Естеріңізге сала кетейік, қыркүйектің басынан әкімдік қызметкерлері қызметтік көліктерін такси көліктеріне ауыстыруы тиіс болатын.
Ал кеше бес жылдық келісімшарт жасасқан ресми тасымалдаушы Astana Taxi компаниясының таксопаркі Қостанайда құрастырылған 50 жаңа JAC S3 көліктерімен толықты.
Комментариев: 0