Артында экраны бар GM Baojun Yep

Аспан асты елінде жазда үш есігі бар, шанағы текше тәріздес GM Baojun Yep кроссовері сатылады. Көлемі 3381×1685×1721 мм төрт орынды машина Suzuki Jimny-ге ұқсайды, бірақ жарты метр қысқа. Сырт пішіні қатал көрінгенмен, 67 ат күшіне ие электромотор көліктің екі артқы дөңгелегін ғана айналдырады. Сол себепті Baojun Yep-пен жолсызда жүрмеген абзал.

1 / 6

• 
• 
• 
• 
• 
• 

1 / 6

Жаңа темір тұлпарды компания жастар талабына сай етіп жасады. Қосымша дөңгелек тұратын жердегі төртбұрыш экран осының дәлелі. Астындағы пластик панель көлденең тұрғандықтан, бір қарағанда смарт-сағатқа ұқсап кетеді. Оның үстіне 300×256 миллиметрлік full-HD экранның артта келе жатқан машиналарға уақытты көрсететін функциясы бар (бірақ оның Baojun Yep иесіне қажеті не?).

Экранда уақыттан бөлек анимациялар, смайликтер бейнеленеді. Іргелес келе жатқан көлікке хабарлама жазуға болады. Осылайша идея авторлары жас буынға дараланып, өз ойын білдіруге мүмкіндік беріп отыр.

Марка экран-сағатты опция ретінде сатады. Ал электрокардың бағасы — 100 000 юань (14 400 доллар).