Өздігінен жүретін көліктер АҚШ-тағы робототаксилерге бірнеше рет шабуыл жасағандар, күмәнмен қарайтын қоғамдық ұйымдар және қауіпсіздікке алаңдайтын қадағалаушы орган тарапынан қысым көреді.
Америка автомобилистер қауымдастығының (AAA) мәліметі бойынша халықтың 66 %-ы пилотсыз көліктен сескенеді, 25 %-ы олардың мүмкіндігіне сенбейді және тек 9 %-ы жүргізуші жоқ таксиге .
Күмәнді сейілту үшін Hyundai Лас-Вегаста өзі жүретін көлікті емтихан тапсыруға жіберді. Компания электрлі Ioniq 5 Robotaxi-ді автономды жүргізу технологиясымен айналысатын америкалық Motional стартапымен бірлесіп жасаған.
Емтихан қабылдайтын ханым қатал болып шықты. 25 жылдан астам жұмыс істеген маман курсанттардың тек 16 %-ына көлік жүргізуге рұқсат берген. Ол машинаның әрекетін сол сәтте рөлде адам отырғандай сынап, дәл әрі мұқият жүруін ғана емес, қозғалысын, сонымен қатар жол ережесін сақтап-сақтамағанын және жолдағы жағдай өзгерген кездегі реакция уақытын бағалады.
Ioniq 5 Robotaxi емтихан қабылдаушыны таңғалдырып, сынақтан сүрінбей өтсе де, алған куәлігінің заңды күші жоқ. Бұны пилотсыз көліктерге арналған жарнама деп есептеңіз.
Комментариев: 0