Артемьев Ле-Манда өнер көрсетеді

Жақында Францияда кезекті «Ле-Мандағы 24 сағат» марафоны басталады, оған дейін трассада бірнеше қолдау жарысы өтеді. Мысалы, Ford Mustang Challenge және Porsche Sprint Challenge бәйгесі. Қазақстандық автоспорт жанкүйерлері үшін екінші жарыс маңызды болмақ, өйткені Schumacher IMSA Racing Team командасы сапында 10-нөмірлі Porsche 911 GT3 Cup мінген Александр Артемьев бақ сынайды.

Ұйымдастырушылар 45 минуттық екі жарыс жоспарлап отыр. Біріншісі — бүгін Астана уақытымен сағат 18:10-да, екіншісі жұма күні 12:30-да, «Ле-Мандағы 24 сағат» сенбі, 14 маусым сағат 19:00-де басталады.

View this post on Instagram

A post shared by Alexandr Artemyev (@alexandrartemyev)

Александр жарыс нәтижесін Instagram желісіндегі жеке парақшасына жариялайтын шығар. Тікелей эфирде көргісі келетіндер мына сілтемеге өтіп, трансляцияны көре алады.

Gorilla Drift Street Legal, үшінші кезең, 14–15 маусым

Gorilla Drift Street Legal сериясының үшінші кезеңі 14–15 маусымда Алматы маңындағы Sokol кешенінде өтеді. Көрермен отандық дрифтерлер ғана емес, Қырғызстаннан келген қонақтардың да өнерін көреді.

14 маусым 12:00-де жаттығу сессиясы мен іріктеу кезеңі болады. Жексенбі, 15 маусымда көрерменді жұптық дрифт күтіп тұр. Жарыс 13:00-де басталады, қонақтар алаңға 11:00-ден бастап кіре алады.

Сенбіде билет бағасы — 2500 теңге, жексенбіде 2500–6000 теңге тұрады. Билетті showmarket.kz сайтынан немесе Sokol кассасынан алуға болады.