Дәл қазіргі сәтте өтіп жатқан МХАС 2018 шарасында Renault компаниясының аға вице-президенті лауазымын иеленген Николя Мор мен Renault компаниясының шеф-дизайнері Лоренс ван ден Акер көпшілікке Arkana кроссоверін таныстырды. Таңғаларлығы сол, сымбатты әрі үйлесімді болып шыққан лифтбек-кроссовер — шын мәнінде Мәскеулік автосалонның көркін келтірді. Француздар уәде бергендей-ақ, автокөлік брендтің жап-жаңа корпоративті стилінде жасалған. Бірақ Renault бізге тек шоу-кар, яғни, әйнектері толықтай қараңғыланған интерьерсіз макетті ғана көрсетті.
Купе іспетті SUV-автомобильдер үнемі сүйкімді бола бермейді, оның үстіне бұқаралық сегмент ойыншыларында, дегенмен Лоренс ван ден Акердің қол астындағы мамандар өте жақсы нәтижеге қол жеткізіпті. Renault хабарлағандай, Arkana үлгісін әзірлеу туралы шешім нарықты терең зерттеу мен клиенттердің қалауы негізінде қабылданған. Жаңа көліктің купе іспетті тұрпатының негізгі ерекшеліктері мен функционалын таңдаудың әр кезеңінде Renault тобы жүздеген ресейлік сатып алушылар қатысқан ауқымды зерттеу жұмыстарын жүргізген. Renault компаниясы бұл автокөлікті жасау идеясының дәл Ресей жерінде туындағанын мақтан етеді. Компания өкілдерінің сөзінше, аталған үлгі алыс-жақын шетелге жеткізу үшін жоғары экспорттық әлеуетке ие екен. Қазақстан да бұл тізімнен шет қалмақ емес.
Global Access платформасына үңілудің қажеті жоқ — капот астында қазіргі моторлар мен төрт сатылы ескі автомат болмайды. Француздар жаңа күштік агрегат пен заманауи беріліс қораптарының орнатылатынына сөз берді. Ал жетек толық не алдыңғы болады. Ұзындығы 4.4 метрден сәл асатын кроссовер, модельдік қатарда Kaptur мен Koleos арасына жайғасады. Бағасы, әрине әзірге белгісіз, дегенмен, «Аркананың» құны 8.5-10 млн теңге шамасында болатынын аңғару қиын емес.
Кроссовер өндірісі жуық арада, мәскеулік Renault зауытында басталады, ал тауарлық автокөліктер 2019 жылдың алғашқы жарты жылында пайда болады. Есте қаларлығы сол, Arkana алдымен біздің нарықта сыналып, кейінірек Бразилияда, Оңтүстік Кореяда және Үндістанда өндіріле бастайды екен.
Комментариев: 0