Арнайы ХҚКО-да емтихан тапсырғанда жүйені алдамақ болғандар анықталды

Емтихан тапсыру бөлмесіндегі бақылауды күшейтетін жаңа жүйе арнайы ХҚКО-да 16 қазанда іске қосылды. Алдыңғы айда «Азаматтарға арналған үкімет» қызметкерлері Шымкент, Түркістан, Ақтөбе және Ақмола облыстарында 66 «теориялық» емтиханның күшін жойды.

Курсанттар микроқұлаққап қолданған, киім жеңіне құрылғы тігіп немесе емтиханға электрондық аспаптары бар кеудеше киіп келген. Мемлекеттік корпорацияның хатында бір компьютерге екі мониторды қоса алатын HDMI-сплиттер сияқты құрылғы аталады, бірақ жергілікті жүйе әкімшсі немесе «көмекшілерсіз» бұл қулық өтпес еді. Танысының емтихан бөлмесіндегі терезені тоқылдатқаны арқылы дұрыс жауап алып отырған шымкенттік үміткер де есте қалды.

Жүйе емтихан тапсырушы терезе жаққа қарай жиі бұрылғанын, тоқылдаған дыбысты жазып алғандықтан, тест нәтижесі күшін жойды. Корпорация жүйені алдауға тырысқан азаматтар емтиханды үш айдан кейін тапсыра алатынын атап өтті.

Анықтама ретінде: 2023 жылдың басынан Қазақстанда миллионнан аса жүргізуші куәлігі берілді. Жақында прокурорлар Шымкентте көлік жүргізу куәлігі бар мыңнан астам маскүнем, нашақорды анықтады.