Бұрын курсанттардан теориялық емтиханды погон таққан қызметкерлер алатын, кейін бұл қызмет аутсорсинг компанияға жүктелді. Бірақ клиенттер «Азаматтарға арналған үкіметке» сервис сапасыз екенін айтып, шағым түсірді. Содан соң қызметті мемлекеттік корпорацияға берді.
Емтихан процесі де өзгерді. 16 қазаннан бастап мемлекеттік корпорация жол ережесінің жаңа 3.0 жүйесіне көшті, соған сай тест кезінде емтихан бөлмесіндегі барлық бөгде дыбыс жазылып, жүргізуші куәлігін алу рәсімі барынша ашық әрі әділ етеді.
«Азаматтарға арналған үкімет» қазір теориялық емтихан тапсырған кезде аудио-бейне жазба жүргізіп, биометриялық сәйкестендіру жасалатынын айтты. Мемлекеттік корпорация емтихан бөлмесіне бейнебақылау орнатады, оны кез келген адам күту залында немесе онлайн режимде көре алады.
Теориялық емтиханнан өте алмаған курсант келесі жұмыс күні, ал екі рет өте алмаса, бір айдан кейін қайта тапсырады.
Емтиханда қосымша техника немесе басқа құрал пайдаланып ұсталған үміткер үш ай емтихан тапсыру құқығынан айырылады.
Комментариев: 0