Республикалық маңызы бар жалпыға ортақ ақылы автомобиль жолын (жол учаскесін) ақылы негізде пайдалану туралы бұйрыққа қосылған өзгерістер биыл 15 қыркүйектен бастап күшіне енеді. Қазақстанда «ұйымдастырушы («Қазавтожол» ҰҚ. — Kolesa.kz ескерт.) ақылы жолдың (аймақтың) белгілі бір бөлігінде қауіпсіздік пен көліктің кедергісіз өтуіне әсер ететін және жөндеуді қажет ететін ақау барын анықтаса, ол жойылғанша жүргізуші осы бөлік үшін ақы төлемейді» деген норма қолданысқа енеді.
Көлік министрлігі Kolesa.kz редакциясына хабарлағандай, 100 км ақылы трассаның 5 шақырымынан ақау шықса, жүргізушілер ол бөлік жөнделгенше тек 95 км үшін ақша төлейді.
Комментариев: 0