Ақтөбе әкімдігі 2021 жылы веложол салу жобасын қабылдап, алдағы үш жылға 1.2 млрд теңге бөлген. Биыл қыркүйекте қала тұрғындары жаңадан салынған велосипед жолының сапасын сынға алды. Әлеуметтік желіде тараған суреттерден веложолдың өте нашар екенін, кей жері үзіліп, кей тұсында жол белгісінің бағанасы тұрғанын көруге болады.
Халық сынынан кейін мердігер веложолды қайта жөндеді, ал әкімдік жаңа жол велосипедшілерге аса қолайлы екенін айтып видео түсірді. Бірақ жөнделген жол да тұрғындардың көңілінен шыққан жоқ.
«Велосипед жолы бар, ал тротуар қайда? Әлде екеуі бірге ме?», «Бәрі бос сөз. Веложол өндірістік аумақта орналасқан. 312-атқыштар дивизиясы көшесі бойына бұл жолдың мүлде қажеті жоқ!», «Тым тар, екі велосипедші қатар сыймайды!», «Бұл веложол кімге керек? Еуропа болғысы келеді. Одан да дұрыстап тротуар мен аялдама салуды үйреніңдер», «Цемент құйып, қызыл түске боясаңдар болды ма? Осыны да велосипед жолы деуге бола ма? Есеп беру үшін ғана салған!» — деп пікір жазды халық.
Комментариев: 0