АҚШ-та Toyota дилерлері Land Cruiser-ді қымбат сатып жатыр

Toyota Land Cruiser АҚШ нарығына биыл ақпанда оралды, сол кезде концерн ресми прайс-лист жариялаған. Бірақ АҚШ-қа жеткен машина саны шектеулі болғандықтан, дилерлер оны үстеме ақы қосып сата бастады.

1 / 5

• 
• 
• 
• 
• 

1 / 5

Автосалондар Land Cruiser J250 нарыққа шыққан сәттен бастап үстеме бағамен сатып жатыр. Бірақ осы уақытқа дейін ресми құны шамамен 15–21 мың доллар өскен. Жақында Вирджиния штатындағы Toyota өкілдігі 77 169 доллар тұратын жол талғамайтын көлік үшін 107 169 доллар (47.6 млн теңге) сұрады. Бұған жергілікті тұрғындар қатты таңғалып отыр.

Сарапшылар баға екі факторға: танымал модельдің жергілікті нарыққа қайта оралуына және тұрғындардың жол талғамайтын көлікке деген құмарлығына байланысты өскенін айтты. Мысалы, Ford Bronco-ға да сұраныс өте жоғары. АҚШ-та Lexus GX ресми сатылады, Land Cruiser онымен бір платформаны бөліседі әрі оның бюджеттік баламасы саналады. Бұл да модельге сұранысты арттырып отыр. Мамандар машина нарықта көбейген соң арзандайды деді.

Land Cruiser J250 Жапонияда айтарлықтай арзан. Базалық нұсқасы 5.2 млн иен (34 мың доллар) тұрады, ал АҚШ-та құны 55.9 мыңнан басталады. Land Cruiser J250 өз елінде атмосфералы мотор немесе турбодизельмен жүреді, ал шетелде тек 2.4 литрлік бензинді турбомоторға негізделген гибрид құрылыммен сатылады. Бағадағы үлкен айырмаға бұл да әсер еткені анық.