Жаңа LC Prado Жапонияда 15.1 млн теңге тұрады

J250 индексті Toyota Land Cruiser Prado-ның тұсаукесері 2023 жылғы тамызда өткен. Автомобиль атауындағы Prado қосымшасы барлық нарықта болмайды. Мысалы, АҚШ пен Жапонияда бұл қосымша жоқ. Күншығыс елінде 18 сәуірде модель ресми саудаға түсті.

Жаңа өнім Жапониядағы Toyota Land Cruiser топтамасында Land Cruiser 70 пен «үш жүздіктің» арасында орналасқан. Компания 250-ді таңдауды көбейту үшін ұсынып отыр.

Басқа нарықтағы сияқты Жапонияда да Land Cruiser-дің (J250) алдыңғы жағы екі түрлі әрленеді. Жарық техникасы арнайы First Edition сериясында ретро стильде дөңгелек пішінді болса, стандарт автомобильде тікбұрышты болады.

Ал мотор гаммасында тосынсый бар. Жапонияда 2.4 литрлік турбомотор мен оған негізделген гибрид күштік құрылым болмайды. Елде автомобиль 163 күшке ие (246 Нм) 2.7 литрлік атмосфералы 2TR-FE мотормен немесе 204 ат күшіне ие (500 Нм) 2.8 литрлік 1GD-FTV турбодизельмен жүреді. Бірінші қозғалтқыш 6 сатылы, екіншісі 8 сатылы автоматпен жұмыс істей.

Қозғалтқышы қандай болғанына қарамастан, жол талғамайтын көлік ортаңғы және артқы дифференциалды бұғаттағышы бар тұрақты толық жетек жүйесімен, сондай-ақ электронды көмекшілердің толық жинағымен жабдықталады.

1 / 5

• 
• 
• 
• 
• 

Land Cruiser ZX «First Edition»

Land Cruiser ZX «First Edition»

Land Cruiser ZX «First Edition»

Land Cruiser ZX «First Edition»

Land Cruiser ZX «First Edition»

1 / 5

Жапонияда стандарт Land Cruiser-дің (J250) 2.8 литрлік мотормен жүретін 5 орынды GX нұсқасы 5.2 млн иен тұрады, ал 7 орынды дизельді түрленімін 7.35 млн иенге (21.4 млн теңге) алуға болады. Бензинді «Крузер» бір комплектацияда ғана қолжетімді, бағасы — 5.45 млн иен (15.9 млн теңге). Ретро дизайндағы арнайы First Edition сериясы 5.9–7.85 млн иен (17.2–22.8 млн теңге) тұрады.

Анықтама: Toyota Land Cruiser Prado-ның қазіргі J150 буыны Қазақстанда 24.1 млн теңге тұрады, ол 2.7 литрлік бензинді мотормен жүреді. Ал 4 литрлік қозғалтқышы бар үздік «Люкс» нұсқасын 43.8 млн теңгеге алуға болады.