NHTSA Hyundai мен Kia-ға қатысты тергеу жұмыстарын бастады. Бұған Автокөлік қауіпсіздігі орталығы берген петиция себеп болған. Ондағы деректерге сенсек, соңғы жылдары аталған маркаларға тиесілі 3 мыңнан аса көлік өздігінен лап етіп жанып, өрттен жүзге жуық адам зардап шегіпті.
Тұтану қаупі Kia Optima мен Sorento (2011–2014), Kia Soul (2010–2015), сонымен қатар Hyundai Sonata және Santa Fe (2011–2014) көліктеріне қатысты екендігі хабарланды. Мұндай көліктердің жалпы саны 3 миллионнан асады. Өндіруші компаниялар аталған мәселе жөнінде ашып ештеңе айтпағанымен, NHTSA агенттігімен бірге қызмет жасап жатқандарын мәлімдеді.
Темір тұлпарлардың кенет тұтануының нақты себебі әлі анықталған жоқ. Өрттің біршамасын каталитикалық бейтараптандырғыштың қызып кетуімен, ал басқасын отынқұбырдың үзіліп кетуімен байланыстырады. Ал кейбірінің электр сымындағы ақауларға байланысты болғаны анықталыпты.
Комментариев: 0