Компанияның Еуропа мен Қытай сияқты негізгі үш нарығының бірі — АҚШ-та жағдайы мәз емес. Жалпы сауда көлемі 2023 жылмен салыстырғанда 9 % өсіп, 374 101 көлікке жетті, алайда Carscoops электрлі модельдерге сұраныс күрт төмендеді деп жазды.
EQB моделіне де сұраныс бір жылда 36 % азайып, 8885 данасы сатылды, EQE моделінің саудасы 39 % (11 660 дана) төмендеді. Ең үлкен соққы флагмандық EQS моделіне тиген. Көрсеткіш 52 %-ға (6963 дана) түсті. Коммерциялық eSprinter де (828 дана) көп өтпеген.
Бұл жағдайды іштен жанатын қозғалтқышы бар кроссоверлер мен седандар жақсартты. Ең көп сатылған үштікте GLE (67 928 дана), GLC (64 163 дана) және C-Class (35 590 дана) бар. GLS (28 129 дана), GLA (19 079 дана), E-Class (17 638 дана), GLB (14 859 дана), CLE (14 333 дана) және т.б. модельдерге де сұраныс болды.
Жол талғамайтын G-Class-қа деген қызығушылық артты. Сауда 12 % өсіп, 10 987 данасы өз иесін тапты. Бұл модельдің жылдық көрсеткіші АҚШ нарығының тарихында алғаш рет 10 000 автомобильден асыпты.
Комментариев: 0