АҚШ Конгресі автомобиль неге қымбаттағанын анықтайды

2008 жылғы қаржы дағдарысынан бері Ford, General Motors және Stellantis-тің бас директорлары алғаш рет ресми түрде бір үстел басында кездеседі. Union-Bulletin басылымы хабарлағандай, 2026 жылы 14 қаңтарда АҚШ Конгресінде автоөнеркәсіп жұмысына, соның ішінде баға белгілеу механизміне қатысты жиналыс өтеді.

Cox Automotive мамандары қыркүйекте АҚШ-та жаңа автомобильдің орташа бағасы 50 мың доллардан асқанын анықтады, ал он жыл бұрын 30 мың доллар болған. Сенатор Тед Круз бұған «үкімет белгілеген ауыр технологиялық талаптар мен қатаң экологиялық норма» әсер етті деп санайды. Дәл осы сенатор отырысты басқарады.

Сарапшылар бағаның өсуіне мемлекеттік реттеуден бөлек, инфляция, автоөндірушілердің қымбат комплектация пайдалануы және электромобиль шығуы әсер етеді деп санайды.

Отырыста автоөнеркәсіпті электрлеу процесіnbsp;де& талқыланады. Бұл саясаткерлер мен автокомпаниялар талай сөз еткен күрделі мәселе. Сол себепті Tesla компаниясының көлік құрастыру бөлімінің жетекші инженері Ларс Морави қатысады. Отырыста билік өкілдері салық, кедендік тариф мәселелері қаралып, ірі бизнес өкілдеріне үкіметтің алдағы уақытта ұстанатын саясатын түсіндіреді.