2024 жылғы ақпанда елімізде 11 495 жеңіл автомобиль мен жеңіл коммерциялық техника және 803 жүк көлігі мен автобус өтті. Қазақстан автомобиль одағы бұл былтырғы ақпанмен салыстырғанда 6.6 % төмен көрсеткіш екенін хабарлады. Биыл алғашқы екі айдағы нәтиже 2023 жылдың сәйкес кезеңінен 0.1 % төмен болды.
Үздік брендтер тізімінде Hyundai бірінші тұр. Ақпанда марка дилерлері 2798 автомобиль сатты, бұл 2023 жылғы сәйкес кезеңмен салыстырғанда 18.9 % артық. Екінші орынды 1834 машинасы өткен Kia (+1 %) алды, Chevrolet (1160 дана, 68 %) үштікті түйіндеді.
2024 жылғы ақпан қорытындысы бойынша жаңа автомобильдер нарығындағы үздік 10 марка
| Орын | Марка | 2024 жылдың ақпанындағы сауда |
| 1 | Hyundai | 2798 |
| 2 | Kia | 1834 |
| 3 | Chevrolet | 1160 |
| 4 | Chery | 1046 |
| 5 | Haval | 659 |
| 6 | Jetour | 544 |
| 7 | JAC | 517 |
| 8 | Changan | 493 |
| 9 | Toyota | 484 |
| 10 | Geely | 425 |
Автосалондарда Chevrolet Cobalt тапшы, сол үшін «Шеви» тізімде төмен орында тұр. Былтыр ақпанда клиенттер 2652 «кобальт» алса, биыл небәрі 944 данасы өтті. Бюджеттік седан екінші орынға ие болды. Көш басында Hyundai Tucson (1644) тұр, ол қаңтарда да үздік шыққан. Үшінші сатыға Kia Sportage (882) жайғасқан, ал үздік бестікке Chery Tiggo 2 (432) мен Hyundai Sonata (347) кірді.
Тізімде шағын Tiggo-ның тағы екі «туысы» бар. Tiggo 4 Pro (249) мен Tiggo 7 Pro (235) мықтылар қатарына қосылды. Қытайдың Haval M6 (314) моделі де үздік ондыққа енді.
Биыл алғашқы екі айдың қорытындысы бойынша ресми автонарықта Hyundai (5918 дана) көш бастады, одан кейін Kia (3065) мен Chery (2127) тұр. 2023 жылды екінші орынмен аяқтаған Chevrolet 1963 көлік сатып, төртінші орынға жайғасты.
2024 жылғы екі ай қорытындысы бойынша жаңа автомобильдер нарығындағы үздік 10 марка
| Позиция | Марка | 2024 жылдың екі айындағы сауда |
| 1 | Hyundai | 5918 |
| 2 | Kia | 3065 |
| 3 | Chery | 2127 |
| 4 | Chevrolet | 1963 |
| 5 | JAC | 1270 |
| 6 | Haval | 1188 |
| 7 | Jetour | 1144 |
| 8 | Toyota | 1023 |
| 9 | Changan | 938 |
| 10 | Geely | 748 |
Комментариев: 0