Апта сайын автомобиль алатын азамат

1990 жылдары әкесінің картон қаптама өндіретін бизнесін мұраға алып, оны әрі қарай дамытқан Грег Раск автомобиль жинауға әуестене бастаған. Замандастары маслкарға қызығып жүргенде Грег бизнес-класс седандарды ұнатыпты. Ол өз коллекциясын алдымен әр буындағы «кадиллактармен» толтыра бастаған, сөйтіп жүргенде саны 105-ке жеткен.

Кейін кәсіпкер «линкольн» (48 дана), «бьюик» (35), «шевроле» (259), «форд» (109), «понтиак» (96), «крайслер» (55) сияқты маркаларға қызығады. Уақыт өте гаражына Еуропа және Жапония көліктері қосыла бастапты. Ол апта сайын жаңа машина алып отырған. Коллекционер жаңа автомобильді демалыс күндері мініп шығып, қайта гаражға қояды екен. Көбі сол жерден қайта шықпаған.

Грег Расктың автомобиль алу тәсілі де өте қызық. Оған тиесілі Rusken Packaging компаниясының қызметкерлері мен жергілікті тұрғындар қаржылай қиындыққа тап болса немесе баласының оқуына не емделуге ақша қажет болғанда, кәсіпкерге көлігін сататын. Бірақ Раск ешқашан саудаласқан емес. Керісінше, машина иесінен қанша ақша қажет екенін сұрап, сол соманы толық төлепті.

1 / 41

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 41

Осылайша кәсіпкер ширек ғасырда әр дәуірде жарық көрген 1300-дей автомобиль жинаған. Қазір олар Алабама штатындағы кең аумақта, бірнеше ангарда және ашық алаңдарда қаңтарылып тұр. Ол — техникаға әуес жандар үшін нағыз қазына.

Машинаға деген махаббаты басылған Раск гаражын сатуға бел буып отыр. Бірақ бәрін бірден емес, Hagerty аукционы арқылы біртіндеп өткізеді. Бұл жерден әркім өз талғамы мен қалтасына қарай көлік таба алады. Кәсіпкер автомобильдеріне ең төменгі құн шегін қойған жоқ, демек тиімді бағаға машина алуға мүмкіндік мол.