Америка тұрғыны Toyota Tundra-мен миллион миль еңсерді

Луизианалық Виктор Шепард 2016 жылы Toyota Tundra-мен миллион миль (1.6 млн км) жүріп өтті. Сол кезде бұл жетістік Солтүстік Америкадағы Toyota өкілдігінің назарына іліккен еді. Pickup Truck Talk хабарлағандай, ол басқа көлікпен тағы осындай нәтижеге жетті, өйткені бірінші пикапты компания алған.

1 / 9

• 
• 
• 
• 
• 
• 
• 
• 
• 

1 / 9

Логистика саласында жұмыс істейтін Шепард ұзақ жолға өте жиі шығады. Алғашқы миллион мильді 2007 жылғы автомобильмен еңсерген, сол кезде Tundra-ның жағдайы жақсы еді, тек техникалық қызмет алған және ешқандай қосымша жөндеу қажет болмаған. Осы уақытқа дейін жүргізуші сервис орталығына 117 рет барыпты.

1 / 7

• 
• 
• 
• 
• 
• 
• 

1 / 7

2016 жылы компания Техас штатындағы жаңа зауытта жасалған алғашқы Tundra-ның бірі саналатын бұл көлікті Шепардтан алып, орнына жаңа машина сыйлады. Өндіруші пикапты зерттеп, ұзақ пайдаланудың салдарын анықтауға уәде берген.

Одометрі бір миллион мильге жақындаған сәтте Шепард тағы бір 2014 жылғы Tundra сатып алды және оны жұмыс үшін пайдаланды, ал сыйға алған машинаны өзіне қалдырды. Бірақ жаңа пикап шыдамды болмай шықты. Шепард оның генераторы мен трансмиссиясының кейбір бөлшегін ауыстырған. Виктордың жаңа жетістігіне Toyota-ның Солтүстік Америкадағы кеңсесі әзірге ешқандай пікір білдірмеді.