Қаланы дамытудың 2040 жылға дейінгі бас жоспарына сай Алматыдағы мына көшелерде 102 км BRT желісі салынады:
- Райымбек,
- Сейфуллин,
- Желтоқсан,
- Сүйінбай,
- Хмельницкий,
- Саин,
- Тілендиев,
- Мұқанов,
- ҮАК бойы жолы,
- Жұмабаев,
- Өтеген батыр,
- Солтүстік айналма жол,
- Төле би.
Kolesa.kz редакциясына қалалық мобильділік басқармасы хабарлағандай, бұл көшелер мен даңғылдар көлік қозғалысын жақсарту мақсатында таңдалды. Онда жүрдек автобус желісін салу мәселесі мамандар мен мегаполис тұрғындары арасында қоғамдық талқыға түседі.
Қала билігі Райымбек даңғылы бойындағы «Барлық» базарынан Пушкин көшесіне дейінгі BRT желісінің жобалық-сметалық құжатын әзірлеп жатыр. Бөкейхановтан Төретайға дейінгі бөлікте даңғылға жақын жер телімдерін сатып алып, жолды кеңейтуді жоспарлап отыр.
BRT бар көшеде автобус пен троллейбусқа кедергі келтірмеу үшін солға бұрылуға болмайтынын білеміз. Демек болашақта BRT түсетін 102 км жолда да солға бұрылуға тыйым салынады. Ал жүргізушілер сол жаққа шығу үшін оңға бұрылып, шеңбер жасауға мәжбүр болады. Оңтүстік астана орталығында мұндай манёвр қиындық тудырады (қиылыс көп), демек Мұқанов, Жұмабаев және т.б. көшелерде қаланың жоғарғы бөлігіндегі сияқты кептеліс көбейеді.
Әкімдік бұл көшелерді кеңейту жөнінде ештеңе айтпапты. Қазақстанда стандарт бойынша бір бағытта үш жолақтан аз жолда BRT және басқа да арнайы жолақ сызуға болмайды, тіпті веложол салуға да рұқсат жоқ.
Комментариев: 0