Оңтүстік астананың Әуезов аудандық МКБ-ның қызметкерлері хабарлағандай, автокөліктердің иесі 2016 жылдан бері салық төлеуді «ұмыт қалдырған», деп хабарлайды Tengrinews.kz тілшісі. Bentley үшін алматылық 774 210 теңге төлеуі қажет болса, Rolls-Royce үшін — 788 710, ал Hummer H2 үшін — 911 218 теңге қарыз екен. Қазынаға жауаптылар қарызға батқан тұрғынға қатысты салық бұйрығын әзірлеп қойыпты, оны төлемеген жағдайда, «ұмытшақ» азаматтың темір тұлпарларын қамаққа алуы мүмкін.
Естеріңізге сала кетсек, 2018 жылдың 1 қазанына берілген мәліметтерге сәйкес, 734 059 қазақстандық жалпы сомасы 18.9 млрд теңгені құрайтын салықтан жалтарған. Салықшылар борышкерлерді қыспаққа алуды 2018 жылдың 1 маусымынан бастаған болатын.
2018 жылға салық төлеудің соңғы күні — 31 желтоқсан.
Комментариев: 0