ҚР ИИДМ дайындаған құжатта Алматы, Жамбыл, Қызылорда, Түркістан облыстары және Алматы, Шымкент қалаларының экономикасын, шаруашылығын және көлік инфрақұрылымын дамыту жоспары жарияланды. Құжатта 2035 жылға дейін қашықтығы 96 шақырым болатын Алматы — Қырғызстан шекарасы — Ыстықкөл тас жолын салу жоспары көрсетілген. Демек алматылықтардың «көлікпен бір-екі сағатта биік таулы өлкедегі көлге бару» арманы жақын арада жүзеге аспайды.
Қырғыз билігі Алматыдан Ыстықкөлге дейінгі төте жол жобасын былтыр күзде АДБ банкирлерімен бірге талқылаған. Бірақ Қазақстан тарапы бұл мәселеге үн қосқан жоқ. Көл мен мегаполис арасында қолайлы тас жол салу идеясы айтылып жүргеніне он жылдан аса уақыт болды. Бірақ бұл бағытта әлі нақты әрекет жасалған жоқ.
Комментариев: 0