Ертең таңғы сағат 09:00-ден бастап елдегі ақылы жолдар үшін төлем жаңа тәртіпте жасалатын болады. Компанияның баспасөз қызметі хабарлағандай, дифференциалды тариф ҚР инвестициялар және даму министрінің 24.12.2018 ж. № 902, 903, 904 бұйрықтары мен индустрия және инфрақұрылымдық даму министрінің 2019 жылы 27 мамырдағы № 331 бұйрығына сәйкес енгізіледі. Шенділер бұл жүргізушілердің уақытын үнемдейді, төлем қабылдайтын орындардың өткізу қабілетін арттырып, ондағы көлік кептелісінің алдын алады деп сенеді.
«ҚазАвтоЖол» ҰК" АҚ-ның қызметкерлері қолма-қол төлем жасаудың құнын арттыру тек жеңіл көліктерге қатысты болатынын айтты. Жүк көліктері мен автобустар үшін тарифтер өзгермейді.
2019 жылдың 19 маусымынан бастап тарифтер кестесі мынадай болады:
- Нұр-Сұлтан — Щучинск (бір бағытта: қолма-қол төлем — 400 тг, алдын ала онлайн төлем— 200 тг);
- Нұр-Сұлтан — Теміртау (бір бағытта: қолма-қол төлем — 400 тг, алдын ала онлайн төлем— 200 тг);
- Алматы — Қапшағай (бір бағытта: қолма-қол төлем — 200 тг, алдын ала онлайн төлем— 100 тг);
- Алматы — Қорғас (бір бағытта: қолма-қол төлем — 600 тг, алдын ала онлайн төлем— 300 тг).
Естеріңізге сала кетейік, Қазақстанда жаңа ақылы жолдарды пайдаланғандардан төлем қабылдау осы жылдың қаңтарынан басталған еді. Осы уақытқа дейін жүргізушілер шлагбаум алдында төменгі тариф бойынша төлем жасаған болатын.
Комментариев: 0