Автобус жолағын жолдың өзге бөлігінен бөліп тұратын сары сызық Рысқұловтан Мұстафинге дейінгі аралықта сызылып жатыр. Онда арнайы жол белгісі болады. Алматы қаласы Жол қозғалысын ұйымдастыру және жолаушылар көлігі басқармасы хабарлағандай, арнайы жолақ пилоттық режимде іске қосылады.
Жол таңбасын сызу жұмысы 19 маусымға дейін аяқталады. Жаңа арнайы жолақ қоғамдық көлік қозғалысын жақсартып, көлік көп жүретін көшедегі қауіпсіздікті қамтамасыз етеді деген жоспар бар.
Сондай-ақ жаңа схема автобус қозғалысын тиімді әрі тұрақты етіп, көлік легінің көп іркілмеуіне жол ашады. Пилоттық режим аясында мамандар жаңа шешімнің тиімділігін бағалайды, ал жол қозғалысына қатысушылар өзгеріске бейімделуге мүмкіндік алады.
Айта кетейік, Саин көшесі көп жылдан бері кептелістен көз ашпай келеді. Тіпті демалыс күндері де кептеліс болады. Сондықтан қоғамдық көлік қозғалысын жақсарту ауадай қажет болатын. Ал жүргізушілер үшін жолақ саны азаяды.
Алматы әкімдігі жақында тағы бірнеше көшені біржақты қозғалысқа көшіріп, Тимирязевтегі BRT желісін өзгертуді жоспарлап отыр.
Комментариев: 0