Тәртіп сақшыларының айтуынша, мегаполисте ЖКО саны бойынша Абай мен Алтынсарин қиылысы алғашқы орында тұр. Тengrinews.kz хабарлағандай, прокурорлар жасаған ЖКО картасымен салыстырғанда, алматылық полицейлер тек адамдар зардап шеккен ғана емес, жалпы қаладағы жол апаттарын есепке алған. Нәтижесінде анағұрлым қауіпті жол бөліктерінің тізіміне Райымбек — Емцов, Абай — Саин, Райымбек — Саин және Райымбек даңғылының № 7 ауруханаға қарсы бөлігі енді.
Одан бөлек, апатты жол бөліктеріне Рысқұлов, Солтүстік айналма сияқты жаяу жүргіншілерге арналған жерүсті не жерасты өткелдері жоқ көшелер мен бейнетіркеу камералары орнатылмаған жол бөліктері жатады.
Тәртіп сақшылары аталған тізімде бұрын Райымбек — Сейфуллин қиылысының болғанын айтады, бірақ ондағы қозғалыс схемасы ауысқаннан кейін жағдай біршама жақсарған.
Комментариев: 0