Құлжа тас жолы мен Бұқтырма көшесінің қиылысындағы жолайрықты үш жыл бұрын сала бастаған. 2021 жылы күзде эстакаданы қолданысқа беріп, жол бойында көлік қозғалысы жанданды. Құрылыс былтыр ақпанда аяқталуға тиіс еді. Бірақ 149 метрлік тоннельдің Бұқтырма көшесінен Талғарға баратын бөлігінде қозғалысты бүгін ғана іске қосты.
1 / 9
Оңтүстік астана әкімдігі үш деңгейлі жолайрық Бұқтырма көшесінің өткізгіштігін — 15 %, ал Құлжа тас жолының өткізгіштігін 20 % арттырып, әуежайдан Алматыға және кері бағытта Талғар мен Алатау жаққа баруға мүмкіндік береді деді.
Қазір мамандар аймақты абаттандырып, су құбырын жаңалау жұмыстарын жүргізіп жатыр. Жолшылар барлығын 31 қазанға дейін бітіреміз деп уәде берді.
Комментариев: 0