Оңтүстік астана бірнеше күн бұрын коронавирустың таралуы бойынша қызыл аймаққа енді. Бүгін, 28 қаңтарда бас санитар дәрігердің кезекті қаулысы жарияланды. Құжат бойынша 1 ақпанға дейін Алматыда мына мекемелердің жұмысы шектеледі:
- қала ішінде және облыс арасында туристерді таымалдауға тыйым салынады;
- сауда ойын-сауық орталықтары, сауда үйлері мен сауда желілері жұмыс күндері 10:00-ден 20:00-ге дейін жұмыс істейді, ал сенбі-жексенбіде жабық болады;
- бөлшек сататын орындарды қоса алғанда, барлық жабық базарлар 17:00-ге дейін ашық тұрады, ал демалыс күндері жұмыс істемейді. Базарға келген адамдар бетперде тағып, арақашықтық сақтауы тиіс, ал сауда орындары 30 %-дан аса толмауы қажет;
- ауданы 1000 шаршы метрден асатын сауда орталықтары, сауда үйлері мен базар иелері және қоғамдық көлік ұыймдарының басшылары келушілер мен жолаушылардың арақашықтық пен маска тағуын қадағалайтын санитария патрульдерін құруға міндеттеледі;
- қызметкер саны 20-дан көп ұйымдардағы жұмысшылардың 80 %-ы қашықтан жұмыс істейді. Бұл шектеудің қызметкердің жұмыс орнында болуын қажет ететін өнеркәсіптік, құрылыс ұйымдары мен мемлекеттік органдарға және қала тіршілігін қамтамасыз ететін мекемелерге қатысы жоқ;
- мамандандырылған ХҚКО 9:00-ден 18:00-ге дейін алдын ала жазылғандарды қабылдайды;
- ерекше қорғалатын аумақтарда (мемлекеттік ұлттық табиғи парктер, қорықтар, резерваттар) адам саны 15-тен аспайтын топ бетперде тағып, екі метр арақашықтық сақтап серуендей алады.
Талдықорғанда осыған ұқсас шектеулер 29 қаңтарда, яғни ертең күшіне енеді. Онда демалыста туристік нысандар жұмыс істемейді. Қоғамдық көлік жұмыс күндері 23:00-ге дейін, ал демалыс күндері 6:00-ден 10:00-ге дейін және 17:00-ден 22:00-ге дейін қызмет етеді.
Комментариев: 0