Мегаполис бас санитар дәрігерінің «Алматы қаласында Құрбан айт мерекесін өткізу кезінде коронавирус инфекциясының таралуына ықпал ететін бұқаралық іс-шараларды шектеу туралы» қаулысына сай, бақылау бекеттері қойылады.
Құжатта «2021 жылы 16 шілде мен 22 шілде аралығында Алматыға жануарларды әкелуге жол бермеу және жолын кесу мақсатында (онлайн режимде құрбандық шалуды қоспағанда) қалаға кіреберісте полицейлер бақылау жүргізетіні» айтылған.
Аталған қаулыға сай, орталық мешіт бекіткен онлайн режимде құрбандық шалатын орындарды қоспағанда, қала аумағында 19 шілде мен 22 шілде аралығында мал сою цехтары мен мал сататын базарлардың жұмыс істеуіне, сондай-ақ мал союға, автокөлікпен және жеке үйде мал сатуға тыйым салынды.
Оңтүстік астанада былтыр да осындай шектеу шарасы қабылданған болатын.
Қазір қала коронавирус инфекциясының таралу қаупі бойынша қызыл аймақта тұр. Өткен тәулікте Алматыда 798 адам вирус жұқтырды.
Комментариев: 0