«Қазақ промтранспроект» ЖШС дайындаған жобаға сәйкес жолдағы рұқсат етілген максимал жылдамдық 40 км/сағ болады. Таулы аймақта жылдамдық шегі
Трассаның ұзындығы — 6.2 км. Жолақ саны — 2. Жолақтың ені (бұрылыста кеңейетінін есептемегенде) — 3.5 м. Негізгі жолдағы ең жоғары бойлық еңістік — 120‰. Жоспардағы ең кіші бұрылыстың радиусы — 45 м, бұралаң жолда — 15 м. Тік бұрылыстардың ең кіші радиусы:
- дөңес — 600 м,
- ойыс — 200 м.
Жол Үлкен Алматы көліне бара жатқандағы экопостан басталып, Көкшоқы ауылындағы Казачка өзені, «Құмбел» және «Энергетик» кешендерніңі бойымен өтіп, қазіргі кемпинг-аймаққа дейін барады. Сол жерде шипажай бой көтереді.
Bes.media хабарлағандай, жоба құжатына сәйкес екіжолақты жол салу үшін мамандар шамамен 2.2 мың ағаш кеседі, 8 көпір, 21 су өткізгіш құбыр және ұзындығы 3.3 км тірегіш қабырға салады. Сонымен қатар Көкшоқы шағынауданында 15 жер телімін алуы қажет. Жоба құны — 38.2 млрд теңге.
Шенеуніктер Көкжайлауды тау шаңғы курортына айналдыруды бұрыннан жоспарлап келеді. Он жыл бұрын бұған қарсы шыққандар жерді сот арқылы қорғап қалған, ал 2019 жылы Президент құрылысқа тыйым салды.
«Мен Көкжайлау курортын салуға тыйым саламын. Қажет емес. Мен қарсымын, беделді экологтар да осылай айтып отыр», — деді мемлекет басшысы.
Былтыр шілдеде премьер-министр Олжас Бектенов әлемде шаңғы тебуге болатын орындар саусақпен санарлық деді. Алматы таулары — үлкен байлық және мұра, оны пайдаланбау мүмкін емес. Сондықтан мемлекет Алматы тау кластерін дамытуды жоспарлап отыр.
«Біз осы кластерді кеңейту жобасын зерттедік. Барлығы ең жоғары экологиялық және туристік стандартқа сай болады. Ашық айтып отырмын. Біз Көкжайлауды жақсартамыз. Биыл құрылысты бастаймыз», — деді премьер.
Былтыр қыркүйекте үкімет Almaty Superski мастер-жоспарын бекітті.
Комментариев: 0