Алматы экономикасы кезең-кезеңімен қалпына келтіріледі.
Алғашқы кезеңде, яғни 20 сәуірден бастап:
- өнеркәсіп;
- құрылыс (құрылыс жұмыстарының барлық түрі);
- нотариалдық қызмет пен кепілдегі меншікті мемлекеттік тіркеу салалары жұмысын бастайды.
Екінші кезеңде (27 сәуірден бастап):
- азық-түлік сатпайтын сауда нысандары (аумағы 2 000 шаршы метрден аспайтын);
- қаржы секторының нысандары: ЕДБ (бас кеңседегі қызметкерлер саны — 50 %, бөлімшедегі қызметкерлер саны 50 %-дан аспауы тиіс), ҚҚБ Kase, бағалы қағаздар нарығы;
- көлік және қоймалау;
- автокөлікке қатысты кейбір қызмет түрлері: ТЖО, дөңгелек ауыстыратын, көлік жуатын орындар;
- химиялық тазалау, нотариус қызметтері;
- жылжымайтын мүлікпен байланысты операциялар;
- қаржылық және сақтандыру қызметтері (бұрын жабылған бөлімшелер);
- ақпарат және байланыс салаларындағы мамандар жұмысқа қайта кіріседі.
Үшінші кезеңде:
- ірі сауда орталықтары, сауда үйлері, азық-түлік сатпайтын базарлар;
- сұлулық индустриясы, спорт, қоғамдық тамақтану салалары;
- кәсіби, ғылыми және техникалық қызмет;
- білім, көңіл көтеру және демалыс орындары қайта есігін ашады.
Жоғарыда аталған салаларда қызмет ететін 611.1 мың адам жұмыстарына оралады деп күтілуде.
Естеріңізге сала кетейік, мемлекет басшысы карантин салдарынан тоқырауға ұшыраған шағын және орта бизнесті қайта қалпына келтіруді тапсырған болатын.
«27 сәуірден бастап өзге секторларға өтеміз. Бастапқыда біз 20 сәуір күні көлік ауыстыратын, көлік жуатын, кеңсе техникасын жөндейтін орындардың жұмысына рұқсат береміз деп ойлағанбыз. Бірақ мұны 27 сәуірге шегеру жөнінде шешім қабылдадық. Сонымен қатар, киім жуу, химиялық тазалау қызметтері мен үй жанындағы шағын дүкендерді ашу мәселесін де қарастырудамыз. Ал халық көп жиналатын сауда үйлері, ірі базарлар мен мейрамханалар мамыр айының ортасына дейін карантин режимінде болады», — деді Бақытжан Сағынтаев.
Комментариев: 0