Жуырда санэпидемиологтар Алматының COVID-19 таралуы бойынша сары (қаупі жоғары) аймаққа өткенін хабарлады. Ал бүгін мегаполиске премьер-министрдің орынбасары Ералы Тоғжанов іссапармен келді. Әкімдіктің баспасөз қызметі хабарлағандай, видеоконференция барысында шенді инфекцияның таралуына жол бермеу үшін қатаң шаралар қабылдауды тапсырды.
Енді оңтүстік астанадағы мамандандырылған ХҚКО жұмыс күндері 10:00-ден 18:00-ге дейін, ал сенбі күні 10:00-ден 15:00-ге дейін қызмет көрсетеді. Қызметкер саны 15-тен асатын ұйымдардағы жұмысшылардың 60-80 %-ы қашықтан жұмыс істеуі қажет. Сауда орталықтары мен басқа да сауда орындары жұмыс күндері әдеттегі кесте бойынша қызмет етсе, демалыс күндері 17:00-ге дейін ашық болады, ал жексенбі күні жабылып, дезинфекция жасайды.
Біраз уақыт бұрын Алматы әкімі Бақытжан Сағынтаев қаланың әзірге карантинге жабылмайтынын айтқан еді.
«Бірақ мамандардың талабын ескермей, бетпердесіз жүрсек және арақашықтық сақтамасақ, вирус жұқтырғандар саны күніне 100-150 адамнан асса, шектеу шаралары қатаңдай түседі. Егер жағдай тым нашарлап кетсе, карантин қазіргіден де қатаң болуы мүмкін», — деді шаһар басшысы.
Комментариев: 0