Алматыда тегін тұраққа өтініш беру мүмкін емес

Алматыда тұрғылықты жерден 500 метр радиустағы тұраққа көлікті тегін қоюға мүмкіндік беретін абонементті рәсімдеуге өтініш жіберу басталды. Бірақ сервис дұрыс істемей тұр. «Алматы паркинг» сайтында екі әріптен және тоғыз цифрдан тұратын көлік құралын тіркеу туралы куәліктің нөмірін жазу керек, алайда біздің техпаспортта тек сегіз цифр бар.

1 / 7

• 
• 
• 
• 
• 
• 
• 

1 / 7

Абонемент алу мүмкін емес. Компанияның call-орталығы бұл қатені түзетеміз деді, бірақ өтініш 15 күн қаралады деп ескертті. Яғни заңды түрде көлігін тегін қоюға құқығы бар Алматы тұрғыны тұрақ ақысын тағы жарты ай төлейді.

17.08.2026 ж. 12:30-да қосылған ақпарат:

Біраз уақыттан кейін компания сервисті қайта баптады, енді «Алматы паркинг» сайты техпаспортты еш мәселесіз қабылдап жатыр. Өтініш беруге де болады, бірақ жауабын бәрібір 15 күн күтесіз.